PriBank shpall konkurs për pozitën Këshilltar për Klientë Mikro në kuadër të Departamentit të Biznesit dhe Lizingut.
Kandidati i përzgjedhur do të jetë përgjegjës për menaxhimin dhe zhvillimin e portofolit të klientëve mikro, duke siguruar ofrimin e shërbimeve profesionale dhe ndërtimin e marrëdhënieve të qëndrueshme me ta.

Përshkrimi i punës:

Këshilltari/rja për Klientë Mikro është përgjegjës/e për menaxhimin dhe monitorimin e portofolit të klientëve që i janë caktuar, duke siguruar ofrimin e shërbimeve cilësore dhe zhvillimin e marrëdhënieve të qëndrueshme me ta.

Kjo pozitë përbën një funksion kyç në degë, pasi ka për qëllim ndërtimin dhe mirëmbajtjen e marrëdhënieve afatgjata me klientët e biznesit të linjës mikro — si me klientët ekzistues, ashtu edhe me klientët e rinj. Këshilltari identifikon nevojat e tyre për produkte dhe shërbime bankare dhe punon në mënyrë të vazhdueshme për realizimin e objektivave të përcaktuara nga banka.

Detyrat dhe përgjegjësitë kryesore:

• Menaxhon dhe monitoron portofolin e klientëve të linjes mikro.
• Ndërton dhe mirëmban marrëdhënie profesionale dhe afatgjata me klientët.
• Identifikon nevojat e klientëve dhe propozon zgjidhje përmes produkteve dhe shërbimeve bankare.
• Trajton kërkesat për financim përmes produkteve kreditore.
• Vlerëson kapacitetin financiar dhe aftësinë paguese të klientëve.
• Përgatit analiza financiare dhe i prezanton ato pranë Komitetit të Kredisë të bankës.
• Punon në mënyrë aktive për arritjen e objektivave individuale dhe të degës.

Kualifikimet dhe përvoja:

• Të ketë Diplomë universitare në ekonomi, banka, financa dhe kontabilitet;
• Të ketë shkathtësi analitike dhe vlerësuese;
• Të ketë përvojë pune në pozita të ngjashme, përparësi do të kenë kandidatët që kanë përvojë në sektorin financiar.
• Të ketë njohuri të shkëlqyeshme të gjuhës shqipe dhe angleze;
• Aftësi për punë ekipore

Dokumentet e nevojshme për aplikim:

• CV e përditësuar;
• Letër motivuese;
• Certifikata të trajnimeve relevante (nëse ka).

Aplikimi:

Të gjithë të interesuarit janë të lutur të dërgojnë dokumentet e aplikimit në [email protected] deri me datë 14 Nëntor 2025.

Vetëm kandidatët e përzgjedhur në listën e ngushtë do të ftohen për intervistë.